Ngā kaupapa: Water, Water, Water Safety

He tokomaha ngā kura ki Te Whakataetae kura tuarua Waka Ama

  • Waikato/Te Waiariki

Kotahi rau, tekau mā ono ngā kura kei roto i te whakataetae waka ama kura tuarua ki Tikitapu, Rotorua. Kotahi mano, toru rau te tokomaha o ngā kaihoe kei te puna whakataetae. Kei te tipu tonu te waka ama ki waenga i ngā kura tuarua, tekau mā rima ngā kura hōu kei roto i tēnei whakataetae i tēnei tau.

Hei tā Denise Keelan o Tamatea Ki Ahuriri, “he rawe mo ngā rangatahi, he rawe mo te hākinakina nei, āe kei te kite, kei te tino kite i te oranga o tēnei hākinakina ki roto i ngā rangatahi, ā, kei te kite atu hoki kei te rongo hoki i to rātou aroha ki tēnei hākinakina”.

Kua tekau mā rima tau a Te Waiariki Purea e hautu ana i tēnei huinga, heoi i tēnei tau he tūahua rerekē kua puta. “Kua piki ake te wai ki roto i te roto, rua tekau mā rima mita o te one kua ngaro na te kaha māku i te wā o te Takurua me te Kōanga”.

Ahakoa te pikitanga o te wai o te roto kāre i raru ngā rēhi, kaihoe hoki. Hei tā Julie Tangaere “kāre anō kia puta tēnei tūahua, ko tōna tikanga he one papa heoi kua piki te wai, ā, kāre mātou i te mohio na te aha i pēnei ai? Hei āpōpō mutu ai tēnei huinga.