Kaupapa: Netball

He toahanga mā te kapa Rarauwhe Hiriwa

Rahia Timutimu
  • Tāmaki Makaurau

He toahanga te hua mā ngā Rarauwhe Hiriwa i te tauwhainga Quad, toa ai te haukainga ki a Awherika ki te Tonga inapō ki Tauranga. Heoi kāore he wā whakanui mā te kapa, ko te aro ināianei, ko te whakarite mō te tukinga e kainamu mai nei, ki ngā hoariri o te Tāhimana.

I whai hua ai a Aotearoa i te hinganga ki a Ingarangi, kia hua ai te toahanga tuatahi i raro i te maru o Noeline Taurua.

Pakari ake nei a Maria Folau ki te rohe kuru, 94% o ana kuru i eke, ā, ko Te Paea Selby Rickit hoki tērā i whakaingoatia ki te aro ā kapa.

Mai i te tīmatanga i kaha ai a Aotearoa, ā, kāore i tūohu. I te mutunga, toa ai a Aotearoa mā ngā kaute rua tekau mā whā.

Hei tēnei Rātapu tuki atu ai a Aotearoa ki ngā taimana nō Ahitereiria ki Poipiripi.