Kaupapa: Rugby League

E hoki mai ana te kapa Warriors ki te tukituki ki te kapa Broncos

Ruth Smith, Tamati Tiananga
  • Tāmaki Makaurau

Kua hoki anō te kapa Warriors ki te whakamahere rautaki nō muri mai i te hinganga o rātau i te kapa Panthers.

Ahakoa te tatauranga,36-4, e piki haere ana te wairua o te kapa i tēnei wero hou e kainamu mai ana.

Ko te pokapū o te kapa, ko Peta Hiku tētahi kua nui te tātāhia ōna i te āhua o tana tākaro ki te taha matau o te whīra.  Heoi anō, e whakapono ana te kaiako matua, a Stephen Kearney ka ora mai anō tana tangata i tana kōwhiringa ki te kapa matua.

Kainamu mai ana te pito o te whatinga, ā, e whakapono ana a Kearney e taea tonutia ana e tana kapa ngā taumata ikeike te kake.

Tuki ai te kapa Warriors ki te kapa Broncos hei te Rātapu ki te papa o Suncorp.