Bishop pleased to be in front of home congregation

James Perry

Ko Te Wera Bishop tētahi o ngā tautōhito poipapa kua whai wāhi ki te kapa Tuatara i tō rātou tau tuatahi. Nō tōna urunga ki te kapa Boston Red Sox e whitu tau ki muri kua roa ia e tākaro ana puta noa i te Ao, ā nō te orokohanga mai o te kapa Tuatara, kua tau te wairua e āhei ai ia ki te tākaro ki te kainga. 

He āhuatanga e miharo tonu nei ana a Te Wera Bishop, hei tāna kua huri ia i te ao tākaro poipapa ai, heoi kāore i kō atu i te tākaro ki te wā kainga.

Ko Bishop tētahi o ngā uri Māori kua whai wāhi ki te tau tuatahi o te kapa poipapa Auckland Tuatara i te whakataetae ABL. Hei tā te uri o Te Whānau a Apanui he hiahia nōna ki a hāpai i tā Poipapa Aotearoa e whai ana ki a whakatipu i te hākinakina nei.

He kāmura a Bishop ki Adelaide, Ahitereiria, nā kua rite tonu tana hoki mai ki Aotearoa tākaro ai i tēnei tau. Nō te rangi nei oti atu ngā kēmu ki te kainga mō tēnei tau tuatahi, ka whakawhiti ōna hoatākaro ki a ia, ki Ahitereiria ia wiki mō te toenga o te tau.

Tekau mā whitu noa tōna pakeke ka haina kirimana ia ki te kapa Boston Red Sox i Āmerika. E rua tau ki muri i hono atu ia ki ngā Milwaukee Brewers, a kua tākaro hoki ia mō te kapa Adelaide Bite i te ABL. Kua rua tekau mā rima tau ia inaiānei, ā e tau ana ia ki tēnei taumata. Hei tāna anō kua roa ia e tākaro ana, ā nō te whānautanga mai ō tana tamahine, me whai whakaaro ia ki tōna whānau, me tōna ngākaunui ki te poipapa.

Koia hoki tētahi i whakawhiti mai i te poiuka ki te poipapa, ā e matapae te ringarehe ka piki ngā nama ka whai i tērā tauira, ka mutu me pērā kā tika me whai wāhi ngā kaipara toa katoa ki ngā hākinakina toa anō hoki.

Kua oti ngā kēmu ki te kainga mō tēnei tau, heoi hei tērā tau rā anō kite anō ai a Bishop me te kapa Tuatara ki konei.