Benji Marshall set for one more season

James Perry

Tekau mā rima tau ia e tākaro ngaio ana, heoi kāore a Benji Marshall mō te whakairi i ngā pūtu.

Kua whakaroa e Benji Marshall i tōna kirimana NRL mā te kōtahi tau ki ngā Wests Tigers, te karapū i tīmata ai ia tekau mā rima tau ki muri. 

GRAB - BENJI MARSHALL

Nō tainahi nei kōrero ai a Marshall ki a nrl.com. Hei tāna, nō te whānautanga mai o tāna tamaiti i toko ake ngā whakaaro ki roto i a ia. Kia āhei ai tōna tama, kia hīkoi ngātahi ai rāua i te papatākaro he mea nui ki a Marshall.

Kāore a Marshall i tino mōhio ka aha ia hei te otinga o te tau 2018, heoi kāore ia e rite mō te whakatā. Hei tāna, e kore a muri e hokia, ki te rītaia ka kore ia e hoki mai.

I wehe a Marshall i ngā Tigers i te tau 2013, ka whiti atu ki te kapa Blues in te whakataetae Super Rugby, ka hoki atu ki te NRL tākaro ai mō ngā Dragons me ngā Broncos. Kāore ia i te mōhio ka hoki ia ki ngā Tigers, heoi kāore i kō atu i tērā kapa ia e rītaia ai. Hei tāna, he mea mīharo te whakaaro i kuhu ia ki te NRL i Wests, ki reira hoki ia puta atu.

I wikitōria a Marshall i te whakataetae NRL i te tau 2005. Kua hoki te taumata o tā Marshall harikoa ki tēra tau.

He hoa tākaro mai rā anō a Robbie Farah me Marshall. Ko Farah anō tētahi atu kua hoki atu ki ngā Tigers whai muri i tētahi wā poto ki South Sydney. Kua whakaroa tonu e ia tōna kirimana ki ngā Tigers, a nānā tonu a Marshall i whakakīkī.

Hei tā Marshall, kāore rāua tahi i paku whakaaro ka oti ngātahi ai rāua tahi i ngā Tigers.

Hei te pō nei tuki ai ngā Tigers ki ngā Rabbitohs i te kēmu whakamutunga o te tau. Heoi, nō te Rātu noa iho te tokorua nei i whakarite ai ki whakaroahia ai ō rāua kirimana. Nā Farah a Marshall i tuku karere me te mea atu ki te whakaae ia, ka whakaae hoki a Farah. Ko tā Marshall whakahoki, āe, mahia!