Ngā kaupapa: Environment, Natural Disaster

Tino waimarie te kai hopu whakaahua i tetahi horo nui

Mere McLean
  • Waikato/Te Waiariki

Ka noho aukati te huarahi matua e noho ai i a Opotiki me Turanga nui a Kiwa na runga i tetahi horo whenua ki runga i te huarahi. He mea kapo ake te horo o te whenua e Michael Tabudravu i a ia e haere ana ki Opotiki mai Turanga nui a Kiwa.

“Ka huri au i te peka ka horo te huarahi, e toru nga waka i tera atu taha o te horo, i te heke mai nga toka ka tikina ahau taku waia pukoro ki te tango kiriata” ki ta Tabudravu.

I te whakatu te hunga arahi waka e nga kaiapataki huarahi ki waho o Opotiki, kei te tuwhera te huarahi matua ki te hunga e noho ana ki nga taone iti i te taha o Waioeka. Kei waenga o Oponae me Wairata te horo. Kei waenga i a Opotiki me Matawai, koinei te tohu pouwhenua mai Opotiki ki Turanga nui a Kiwa. Hei ta te Koromatua tuarua o Opotiki a Lyn Riesterer, “he uaua nga ara mo matou, ko tetahi he rima haora te roa mai te Rawhiti, ko tetahi atu mo te taraka noa iho ka haere ma runga Matawai, ki Motu ka piki i nga karahiwi”.

Ehara i te mea hou nga horo whenua ki Waioeka. No te tau tekau ma rua i tu nga whakatikatika na runga i tetahi horo whenua nui. I waenga i te rima miriona ki te rua tekau miriona nga putae i whakatauhia e Te Waka Kotahi. Hei ta te koromatua tuarua o Opotiki a Lyn Riesterer i taua waa i rongo ratou i nga uauatanga ki te taha ohanga.

“Ka uaua mo nga kaiarahi taraka, ko nga taonga ka ahu mai Turanga nui a Kiwa ki te wahapu o Tauranga ka ahu mai tera ara, mo nga taraka kawe i nga rakau kua topia kia kotahi te haere inaianei”. I te arotakehia e nga kaiapataki, nga matanga whenua i te horo i tenei ra. Hei ta Te Waka Kotahi he moata rawa ki te whakatau a hea ka tuwhera ano te huarahi ko ta ratou e akiaki nei kia haere ma te hunga matua toru tekau ma rima.