Kaupapa: Kapa Haka

Te Taiopenga Tangata Rau ki Rangitāne - Te Tū Mataora

  • Te Tai Rāwhiti
  • Te Whanganui-ā-Tara
Te Tū Mataora

Nō roto mai o Te Pāpāioea, i hangaia mai ai ko te kapa haka o Te Tū Mataora i te marama o Noema i 2007, i tētahi hākari pāpēkiu i te papa o Ashhurst. He āhurutanga ā-whānau tēnā e rāngona nei e Te Tū Mataora, ā, tērā e whakakahangia ake nei e te aronui, e te arotahi a te kapa kia pūmau tonu ki ngā tāonga tuku iho a ngā mātua tūpuna.

Nō Te Tū Mataora te maringanui kia tū i ngā whakataetae kapa haka ā-rohe i 2008, 2010, 2011 anō hoki rā, ā, i tino waimarie rātou kia tū hei kanohi mō tōna takiwa i ngā whakataetae Te Matatini i te tau 2009 me 2013 anō hoki rā.

Kua haumaru katoa tēnei whānau i raro i te korowai o te whakaaro tahi kia hāpai, kia manaaki, kia tiaki i ngā taonga tuku iho o Te Ao Māori.  Ā, ka ngana haere ko tēnei rōpū kia whakamana i ō rātou tātai whakapapa katoa.

Ko te kaitātaki tāne i tēnei tau ko Te Utanga Tautuhi, ka mutu, ko te kaitātaki wahine ko Tina Blake-Ponga.

Anei anō ko Te Tū Mataora me tā rātou whakaeke.