Kaupapa: Arts

Te Hui Whakarākei o Rotorua ka mutu hei te Rātapu

  • Waikato/Te Waiariki

Tekau mā ono ngā kaiwhakarākei, kua tata ki te tekau rā e waihanga, whakairo nei i o rātou taonga mo te wānanga whakairo o Rotorua. Hei tō Natanahira Te Pona o Ngāpuhi tētahi e mahi taonga ki te huinga, ko tana hiahia kia nui ake te hunga kaitoi Māori ki ēnei kaupapa. He kaupapa ka tū ia rua tau ki Rotorua. Mo Natanahira Te Pona, kaiwhakarākei koinei tōna wā tuatoru ki roto i te hunga nei. “He nui tonu ngā kaitoi ka tae mai huri noa i te motu ētahi nō tā wāhi engari i raru rātou i tēnei tau ko tāku kia kite i te whānau kia uru mai”. I tēnei tau ko ngā wai o Rotorua te tuapapa o te huinga, ki tō Te Pona ka mutu ana ia, e toru ngā wāhanga o tōna mahinga toi. “I te wā ka tū tekau mā tahi te teitei, i tēnei wā kei te takoto engari ko te taha Māori, Pākeha ka puta ki runga i ngā mahi toi. Ki tō te kaiwhakahaere Marc Spijkerbosch he nui ngā kaiwhakarākei Māori kua uru mai ki roto i tēnei huinga, heoi ko tāna e hiahia nei te kite i ngā kanohi hōu. “E rima ngā tino kaitoi kei te rohe nei, ko Iwi Le Come tētahi engari i raru ia engari ko ta mātou hiahia kia hoki mai anō ia”. Ka mutu tēnei huinga hei te Rātapu.