Ngā kaupapa: BUDGET, Employment, Youth

TAHUA 2017: Āwhina mai! - te karanga o ngā rangatahi o Kaikohe

  • Te Tai Tokerau

Kua rongo te rohe o Te Tai Tokerau i ngā aupēhitanga o te kore mahi, ā, ko tā te hunga rangatahi e matenui ana mo te tautoko, mo te āheinga hoki. Me pēhea ai te tahua whakawhāiti hāere i te tatauranga mō ngā rangatahi Māori e noho kore mahi ana?

Kua puta ngā tūwhiringa o te kāwanatanga mo te hiranga o ngā take mahi, take ōhanga hoki i roto i te tahua, he kaupapa e pā kaha ana i te hunga rangatahi o Kaikohe.

Ahakoa te tokoiti o ngā hōtaka arawhiti kua whārikihia i mua i ngā aroaro o te rangatahi, ko te tino pātai, i te otinga, ka aha?

Kua roa nei te tū a Pauly Wihongi hei kūpenga haumaru, engari ko tāna e hiahia ana, kia kite i te pūtea i ngā ringa o ngā whānau, hapū hoki, engari mo ngā iwi, kaunihera hoki.

Kua tohua te kāwanatanga i te ono piriona tāra mo ngā kaupapa mātauranga e aro ana ki te hunga rangatahi, ā, ko te manako nui, ka whai hua tēnei haupūranga mo ngā rangatira o āpōpō.