Kaupapa: Education

Ngāti Whātua Tertiary Summit

Talisa Kupenga
  • Tāmaki Makaurau

Nā tētahi wānanga-a-iwi te kaha whakamanawa i ngā rangatahi kia puta i te kura hei tauira whare wānanga. Neke atu i te kotahi rau whā tekau ngā rangatahi i tae atu ki te Ngāti Whātua Tertiary Summit mō nga rā e toru, kia kōwhiri rātou he aha ō rātou ake hiahia ā tōna wā.

E hīkaka ana ēnei rangatahi mō ngā rā ki tua nā te Tertiary Summit o Ngāti Whātua.

Hei tā Truth Puriri (Ngāti Kahungunu, Rongimaiwahine), "Ahakoa kei Ngāti Kahungunu, Rongimaiwahine toku mana, kei Ngāti Whātua ki Ōrakei toku manawa. Koira tētahi o ngā painga i kite au mai i tera. Ahakoa nōhea koe ahakoa kei whea koe ka taea e koe te hoki mai ki konei ki Ngāti Whātua ki te hono ki o whanaunga."

E rua ngā tau kua hāpai tēnei wānanga ki te whakarite i ngā tauira mō te whare wānanga.

Ka whai hononga ngā rangatahi ki a rātou anō, ka whakawhanaunga hoki ki ngā kaitohutohu pakeke hei tautoko i a rātou.

Ko tā John Henare Clarke (Ngāpuhi, Ngāti Whātua, Ngāti Porou), "I'm from Ngāti Whātua but I only know so much so this kind of thing actually brought me closer to my iwi of Ngāti Whātua.”

E tautokohia tēnei wānanga e Te Runanga o Ngāti Whātua, Whai Māia Ōrakei me te Te Wānanga Aronui o Tāmaki Makaurau. Kua tātoru te rangatahi i tērā tau, ā, e mōhio ana a Puriri ōna mea whāinga.

Hei tā Truth, "Tētahi o aku moemoea me ki, he mahi hei kaiako. Ka taea te poipoia ngā tamariki mai i te wā he iti rātou tae noa ki te haekura mōhio ana rātou he aha ō rātou hiahia i te wā ka puta i te kura."

Ko tā ēnei rangatahi, e hiahia ana rātou ki te whai i te huarahi e ngakau nui atu, kia ngakau nui i ā rātou ake mahi.