Ngā kaupapa: Environment, Land, Politics

Ngāti Ruapani ki Waikaremoana says they will not bow down

  • Te Tai Rāwhiti

Ko tā Ngāti Ruapani ki Waikaremoana hei whakanoho i te whare manuhiri o Aniwaniwa. Kei raro te whare i te mana o Te Papa Atawhai. Ko tō rātou hiahia kia whakatuwhera anō te whare, heoi he whare kāre e tika ana mō te tangata, ā, mai anō i te tau rua mano mā waru kua noho wātea ia.

He taukumekume e rere ana ki Waikaremoana, ā, ka timata mai te whare manuhiri o Aniwaniwa. 

Ko tā Tahurioterangi Trainor Tait (Ngāti Ruapani ki Waikaremoana), “Kei te whakahē mātou i ngā mahi ki te wāwāhi i tērā whare na te mea kei te mōhio tonu mātou kāre i te tika.”

Hei tā Tait kei te tautoko tōna rahi kia tū tonu te whare nā te mea kei a rātou te mana whenua o te wāhi.  Kei raro i Te Papa Atawhai tēnei whare, nā te kaunihera ā rohe o Te Wairoa i kati i te tau mā waru nā runga i te whakaaro, kāre e pai mō ngā kaimahi me ngā manuhiri.  Nā te kaihoahoa Māori a John Scott te whare i waihanga, ā, e whakapono ana tōna whānau ki raro i tana tama a Jacob kia tū tonu te whare, ā, kei te tautoko a Ngāti Ruapani ki Waikaremoana i tērā karanga i runga hoki i te hiahia kia whakanōhia e rātou te whare nei. 

Kei te noho noa iho mātou ki reira kia tirotirohia te roia kei hea te tika, kei hea ngā hē wērā ahuatanga katoa.  Kei a rātou ngā tikanga mō mātou mehemea kei te pai ta mātou mahi kei te hē rānei, heoi anō e ai ki tāku kei te tika ō mātou mahi,” tā Tait.

Whai muri i te whakataunga i ngā kereme o Tūhoe ka uru mai tēnei wāhi ki raro i Te Urewera, kua whakawhiti kōrero a Tūhoe ki raro i Te Uru Taumatua i te taha o Te Papa Atawhai mō tēnei wāhi heoi ki ta Te Papa Atawhai kua kimi ara rātou kia tū tonu te whare heoi kāre i weta.  

Ko tā Tait, “Kua wehi atu a Te Papa Atawhai kāre rātou i te mōhio nō rātou tēnei whare, kāre i hoatu ki Te Uru Taumatua kei te tū noa iho ki reira, kāti nō mātou tērā whare mehemea kei te ātaahua tonu tona tū nō wai tērā whare.”

Hei tā Ngāti Ruapani ki Waikaremoana e kore rātou mō te tūohu, ā, ko tā Tait i te wā ka hoki mai ia ki konei me riro mā ngā pirihimana tonu hei pana i a ia. 

Ko tā Ngāti Ruapani ki Waikaremoana ka whakaeke rātou ki runga i tēnei whare hei te wiki e tū mai nei.