New air service gives opportunity to Northland

Rukuwai Tipene-Allen
  • Te Tai Tokerau

Ka whai hua te rohe o Te Taitokerau i te ratonga waka rereangi hou i Tamaki ki Whangarei. Koia tā Shane Jones, Minita Whanaketanga Ohanga e mea ana me te kī kī ake, mā konā e wātea mārika ake ai te rohe, e ngāwari hoki ngā utu rererangi.

E ai ki a Shane Jones e tika ana te whakataetae hei hiki i ngā mahi turuhi me te whai waahi ki te rohe. "Me titiro ake tātou ki Kaitāia kua whakakahorengia a AIRNZ wana rerenrangi haere ai ki reira pena kaha mai ana ngā kamupene rererangi, ka nui ake ngā tūwaewae  ka haere ki reira. Ka iti te utu, ka māmā te haere."

Hei tā te mema o paremata, ta Shane Reti, ma aua rerenga ka tipu ngā mahi tūruhi ki te rohe. 

I ētahi wā e toru rau tāra te utu ma runga waka rererangi Air NZ engari e āhua iwa tekau ma iwa tāra te utu ma Fly My Sky.

"mōhio noa atu te motu aku whakaaro mō Air NZ e whakapau rawa ana ki te rere atu ki rāwāhi." e kīia ana a Jones

Hei tā Air New Zealand ki a Te Kāea he nui ā rātou whakahaumi ki roto i te Tai Tokerau, kua piki te nama o ngā turu i te rua tekau mā rua ōrau. 
E ai ki a rātou he tūranga pai nō rātou ki te whakatatae atu i te terenga, ka mutu e mihi ana ki a Fly My Sky