Ngā kaupapa: Crime, Housing

Na te tokoiti e whakararu nei i te katoa

  • Waikato/Te Waiariki

Ki tā te Mana Hautu o Kai Aroha ki Tauranga a Tania Lewis-Richard na runga i te tokoiti kua raru te katoa, koinei te otinga atu o te ture kaunihera hōu e whakarāhui nei i te tono pūtea ki Tauranga. Hei te Paengawhāwhā o te tau e tū mai nei ka mana. Neke atu i te kotahi tau tēnei āhuatanga e kitea nei ki te puku o te taone o Tauranga, āko ake nei ka whakarāhuihia. “Kāre mātou e rata ana engari kei te mārama ahau na te aha i pēnei ai”. Hei tā Tania Lewis-Rickard o Kai Aroha Tauranga, he rōpū whāngai kai ki te hunga noho kore kainga o Tauranga, kua riro mā te tokoiti hei whakararu i te katoa. “Kei reira te hunga rawa kore, noho ki runga i ngā tiriti e whakararu ana i te hunga e tino raru ana”. I whakamana te Kaunihera ā rohe o Tauranga i tētahi ture e whakakore ana i te hunga pinono pūtea, noho ki runga i te tiriti, rima mita i waho i ngā toa tauhokohoko o Tauranga, Mauao me Greerton. “Ēhara tēnei i te whakautu, ma te mahi tahi e tāea ai te whakatika i tēnei raruraru, rua tekau ngā rōpū kei te mahi tahi ki te tauawhi i tēnei raru”. Na Terry Molly, kaikaunihera i ārahi i tēnei kaupapa me tana kī ka whakawātea ia i tōna tūranga ki te kore e puta he hua pai. “Ko te hiahia i te wā ka uru tēnei tikanga ka tika haere ngā tukanga, ā, ka kore e mauherehia te tangata”. Ka mana te ture hei te tuatahi o Paengawhāwhā hei te tau hōu.