Me nui ake te tautoko i te hunga taotū

Tema Hemi
  • Te Whanganui-ā-Tara

Ko ngā whakaaro o ngā pārurenga hara kaikoka ki te pūnaha ture taihara ki Aotearoa ērā kua rau atu ki te rangahautanga hou a te kāwanatanga. A, ko te tino kōrero i puta ake, kāore i te tino tautokona tēnei hunga me ō rātau whānau. 

He hui nui ki te āta whakatikatika i ngā hapa o te ture, kia whai tautoko hoki mō te hunga taotū i ngā mahi tūkino. Hei tāna ano he maha ake te tautoko mo te kaihara i tēra o te Pārerunga tēra pea ko te tauira mō ngā piki me ngā heke o te ture ko te whakawā e pā ana ki a Susan Berdett, he rua tekau ma whitu tau, e toru ngā whakawā, ko te mauhere i te hunga kore hara katahi ka tutuki. Atu i te ono rau o te hunga i uiuitia mō ngā tūmomo pārurenga tūkino te nuinga i kī, kahore he paku tautoko mō rātou. Rima tekau paihēneti o rātou i kī, kahore rātou i rata ki te āhua whēako a te punaha ture i a rātou.  He rua tekau ma rua paihēneti i kī i āhua eke ki tōna pai. E hanga whakahoutanga te kāwanatanga hei whakautu i ngā nawe a te hunga taotu. Ko te auhitanga nui ka tūkinotia anō ki te hunga taotu i te whakamātau i te whare kōti. Engari ka tere ake te whai hua ēnei panonitanga mā te hunga taotu, kia whiwhi tautoko ai rātou i a rātou e mauhere nei i te punaha o te ture.   

Ko tā te minita o ngā take haepapa a Andrew Little, "Kia tauorite a tātou mahi puta noa i te pūnaha ture taihara. I te wa ka hē rawa atu te pūnaha ture taihara, pērā anō ki roto i tēnei kōtitanga, me matua mōhio me whai tautoko te whānau o te hunga taotū arā ko Susan Berdett. I te mutunga ake ko te hiahia kia whiwhi i te haepapa."

Ko tā hoki a Jan Logie no te rōpu Kākāriki māngai hoki i ngā take tūkino aronga hōkaka hoki, "e arahi haere ana mātou i ēnei panonitanga, i mea atu au i roto i te kotahi tau me te hāwhe - e rua ngā ture hōu kua whakatinanatia, kua piki ake te pūtea taunaki, kua whakaritea he whakautu whānui nō te kāwanatanga ā he maha hoki ngā mahi kei mua i te aroaro."