Kua whakarewaina e Northpower he teihana whakaora motoka hiko ki Whangarei

  • Te Tai Tokerau

He tuatahitanga mō Aotearoa, ko te teihana kore utu nei na te kamupene o Northpower hei whakakaha ake i nga paatere o ngā motoka hiko.

He kaupapa tēnei hei whakararata I te iwi ki ngā autaiatanga o te motoka hiko me te iti rawa atu o ngā utu ia ra.  Ara he koata noa te utu o te whakahere i te motoka penehīni.

I tu atu i te tini i ngā rapa o ngā wira he iti noa iho ngā utu mō te tiaki i te motoka hiko.  A, heoi ano tau, he tuhono atu ki te hiko i te kainga i ngā po e whai oranga ano ai te motoka hiko mō apopo.

Ko te miharo ano, no konei te hiko e whakaora ana i ngā motoka nei nareira he wa hikohiko katoa tēnei ma Northpower he kamupene na te iwi e whai ana kia whakahoki i ngā painga ki te iwi ma tēnei hangarau.

Hei tā Steve MacMillan, “He nui ngā raru ā-ōhanga, nāreira ki te whai wāhi atu te iwi ki tēnei rauemi, ko te painga atu tērā.”

Kei mua tonu i te aroaro ko te wero ma Northpower kia maha ake enei teihana ki ngā taone ke atu.