Kaupapa: Queen's Birthday Honours

Kua tohua a Wally Haumaha ki te rārangi hōnore a te Kuini o Ingarangi

  • Te Whanganui-ā-Tara

Ko te apa-pirihimana, ko Wally Haumaha kua tohua ki te rārangi hōnore a te Kuini o Ingarangi. He pirihimana kua whakaheke werawera mai anō i te tau 1996 kia noho te ope pirihimana hei whirinakitanga mā ngā tini iwi.

Aua atu rā tōna kahu pirihimana, tōna poho kererū, he tāne ngākaunui ki tōna whānau, tōna iwi, tōna ao Māori hoki a Wally Haumaha.

I rongo a Wally Haumaha i te karere ina tata nei kua tohua ia ki te honore o te ONZM mō āna mahi ki te whakatū kaupapa i nga hāpori me ngā iwi maha o Aotearoa.

E ai ki a Haumaha, hei te tau 2020 ka mutu ana pirihimana kia pū ai tōna aro ki āna mokopuna, ēngari i tēnei wā, kei te maha tonu ngā mahi.