Kua tohua a Glavish ki te tohu kahurangi i tana takoha nui ki te ao Māori, hapori hoki

  • Te Tai Tokerau
  • Tāmaki Makaurau

Kua ūhia rā te kākākura Māori a Naida Glavish ki te tohu kahurangi i tana takoha nui ki te ao Māori me te hapori. 

Ka karangahia ia ko Kahurangi Rangimārie, arā, te ingoa nā tana kuia i takoha ki a ia.

Ko ia te kahurangi tuatahi rawa o roto i tana hapū me te iwi whānui tonu o Ngāti Whātua. 

Ko Glavish tētahi o ngā tino pou o te ao tōrangapū Māori. I te tau rua mano tekau mā toru i tohua ko ia hei perehitini o te Pāti Māori.

I tēnei wā, e pupuru ana ia i te tūranga kaiwhakahaere tikanga Māori mō te Poari o Waitematā me Te Poari Hauora a rohe o Tāmaki Makaurau.