Kua tau mai te kaipūoro reggae a Jimmy Cliff ki Aotearoa

Taroi Black
  • Tāmaki Makaurau

Nō nā tata nei tau mai ai te kaipūoro reggae no Hamaika a Jimmy Cliff ki Aotearoa i mua i ana konohete i te motu nei me Ahitereiria.  Heoi nō Taroi Black te maringanui ki te kōrero tahi me ia, mo āna piki, heke i ngā tau, me tana ngākaunui hoki ki te ao Māori me ngā iwi taketake.

Ko te wā tuawhā tēnei mō Jimmy Cliff ki Aotearoa, ko tana konohete motuhake tuarua hoki mai i te tau iwa tekau mā wha. 

Ko te mana o te tangata tētahi o ngā kaupapa kua titia ki tōna ngākau.

I whānau mai te whetu tārake i Jamaica, kāti ake kei Tauranga me Tāmaki Makaurau ana konohete mō ngā rā e rua kei mua i a tātou. Koinei hoki te wā pai mō ana kaiwhaiwhai te kite i a ia i roto i ngā whakaaturanga whakaharahara. 

Neke atu i te rima tekau tau a Cliff e whakapau kaha ana i roto i te ao reggae. Ko tōna pāpā tōna tino iho pūmanawa.

Ono tekau mā whitu tōna pakeke, me tōna whakapono, kei a ia tonu te kaha. 

A muri i tēnei ka whakawhiti atu ia ki Ahitereria ki te whakaputa i te wairua o Jamaican ki te katoa.