Ko ngā karahipi MPTT mō te tau 2019

Tema Hemi
  • Tāmaki Makaurau

I whakarewa ai ngā karahipi ono rau rima tekau e Māori and Pasifika Trades Training mō te tau e tū mai nei hei whakaawe i te hunga e whaia ana i tēnei huarahi mahi. Ko te kore utu mō te akoranga te whainga nui ā me te whiwhi i ngā akoranga tika kia whai turanga mahi a tōna wā. 

Nō te tau rua mano tekau mā wha, i kō atu i te rua mano toru rau ngā rangatahi tāne, wāhine mai hoki i whai hua i ēnei karahipi. E tipu matomato ana tēnei ahumahi ki rō Aotearoa, e kōpaka ana i te toru mano tāngata pukenga nui mā ngā karahipi ka āhei te whakakī i ngā whārua nui. He wā tōna ki muri kīhai te hunga Māori Pasifika hoki i whai i ēnei mahi hēoi inaianei rātou tonu e whiwhi ai ki ngā hua. Ka taea te tono i ēnei karahipi mā te whakapā atu ki a Shelley Riley, Pouwhakahaere o MPTT.
 

Source: MPTT Website

Ko tā te mana whakahaere o MPTT a Tuwhakairiora Williams, "Ko ngā karahipi i ahu mai i tētahi o ngā kaupapa o te rōpu me kī, Māori and Pacific Trade Training Consorteum ā ko tēnā rōpu he e whakamana i ngā tauira kei te whai whai haere i tū momo mahi ki roto i te trades. kei te piki haere ngā wāhine Māori, kei te whai atu i tērā huarahi arā te huarahi o ngā mahi kamura, ērā mahi i roto i te trades. Nā te kāwanatanga i homai te pūtea mā mātou hei tuku atu ki ngā tauira hei karahipi mō rātou e hiahia ana ki te whai i tēnei kaupapa. Koina tētahi o ngā kaupapa i āta titiro e mātou ki te kōrero whānui hoki ki ngā hapori Māori, ki ngā Māori kei roto i ngā wharekura, kei roto i ngā kura tuarua.