Kaupapa: Arts

Kei te whakakao atu ngā ringatoi taketake ki Māoriland

Te Kuru o te Marama Dewes
  • Te Tai Hauāuru

Ko te hui Kiriata Māoriland ki Ōtaki, me te aha, kotahi rau toru tekau mā waru ngā kiriata iwi taketake kei te whakaatungia, kia mahi ngātahi ai ai ngā Māori me ngā tangata whenua o wāhi kē ki te waihanga.

He kiriata iwi taketake, he tirohanga taketake, hei hora i ngā taumaha ki te ao whānui.

Ko tā 'Āina Paikai (Kanaka Māoli o Hawai'i), “It's called Down on the Sidewalk in Waikīkī and so just the native, our particular Hawaiian perspective how we see Waikīkī, which is marketed as a beautiful tourism and it's definitely that but at the same time there's a lot of hurt and displacement.”

Ko tā te huihuinga nei he tō i ngā kaihanga kiriata o ngā iwi taketake puta noa kia tūhono, kia rūnanga i ngā take e pēhi nei i a tātau.

Hei tā Ngati Kuia Wehipeihana (Ngāti Tukorehe, Ngāti Kūia), “I a au e noho ana ki te mātakitaki kua peka mai tētahi tangata nō Hawai'i, no Kānata hoki, noho tahi mātau ki te wānanga ki te kōrero mō ngā āhuatanga o a rātau iwi me te ōrite hoki ki ngā āhuatanga o te ao Māori.”

Neke atu i te ono tekau ngā momo mahi, arā he kiriata, he pokapū, he mahi toi, he wānanga i ngā kaupapa iwi taketake anō hoki. I tua atu, he aronga nui ki ngā rangatahi kia whakawhanake i ngā pūkenga hanga kiriata, ka mutu i te hunga matatau anō hoki.

Hei tā Ngati Kuia Wehipeihana, “Kia kukume mai i ngā iwi taketake o te ao ki tēnei taone iti o ōtaki kia tirotiro haere ai ki ngā āhuatanga Māori hoki.

Nā reira, he aha te wāhi ki ngā kiriata iwi taketake hei whakakōrero i ngā raru?

Ko tā 'Āina Paikai, “Everyone has their own particular issues that they're passionate about so I think that's what we're able to do just convey it in a thoughtful way and hopefully appreciate and take away the message.”

He hākari ka tū a te pō nei hei whakakapi i te hui.