Kaupapa: Entertainment

Kei te waiatatia mō tō rātau kāenga a Te Urewera

Te Kuru o te Marama Dewes
  • Tāmaki Makaurau

Nō te wiki nei tū ai ngā whiringa toa mō te whakataetae Auahi Kore Pacifica Beats ki Tāmaki Makaurau. He rōpū rekereke a Te Urewera, he tauira katoa o Te Kura Kaupapa Māori o Huiarau, nā rātau te taonga reo taketake rima rau tāra i toa.

E ai ki a Puhikura Teka, "Nō ngā kāwai rangatira o Ngāi Tūhoe mātau e rima nō Ruatāhuna. Kei roto i ō mātau toto ngā pūkenga o te ao o te puoro."

Kua roa nei Te Kura Kauapa Māori o Huiarau e kawe ana i ngā tamariki ki wēnei whakataetae ki Rotorua, ki Tauranga, me te aha, ināianei kua eke ki ngā whiringa toa.

Me kī rā kei te manawa o te ika tēnei kura e noho ana, nō reira anō tērā ingoa a Te Urewera.

Ko tā Puhikura Teka, "He kawe i te mana o tō tātau ingoa tō mātau wā kāenga o Ruatahuna."

Ko Puhikura Teka, ko Rangiwhaitiri Edwards, ko Kirihou Teka, ko Rangiataahua Tawhara-Mita, rātau ko Manaaki Ahuriri ngā mema o te pēne nā rātau te Taonga Reo Taketake i toa.

Hei tā Puhikura Teka, "He kawe hoki i te mauri o ō tātau whānau ki tēnei rā."