Kaupapa: Housing

Kei te riri ētahi nā te korekore o ngā kainga pai ki Te Matau a Māui

  • Te Tai Rāwhiti

He take nui te whakatū kainga tika mā te hunga o Aotearoa, engari he take nui kua roa nei e whai pānga ki tēnei whenua.

Nā te korekore o ngā kainga pai ki Te Matau a Māui i tū ai ngā pihi o tēnei whānau, nā reira, kua tahuri rātou ki te karanga ake i o rātou nawe ki ngā tiriti.

I te tau rua mano tekau mā rua, i noho a Jolene me āna tamariki tekau ki Pā Harakeke i te kainga a-kawantanga kotahi, e whā ngā ruma te rahi. Heoi ahakoa kua hori ngā tau e rua ināianei, kāre āna īnoi kua whakautua noatia.

He wenerau nā te iwi te nui o ngā whare kaporeihana e noho mokemoke tonu ana ki Te Matau a Māui puta noa i te motu anō hoki. Kāore anō he whakatau kia puta ka ahatia ngā whare kaporeihana ki ngā rohe pērā i a Maraenui.

Hei tā Meka Whaitiri o te Pāti Reipa, “Kua haere au ki te katoa o te rohe pōti o te Ikaroa Rawhiti, I kite au I ngā whare kaporeihana e noho mokemoke ana. Kaore i te pai te kite i ngā whānau nui e noho ana i ngā whare kotahi, kaore tēra i te pai mo te hauora o ngā tamariki.”

Ki tā ēnei whānau kōrero kua roa nei ngā whakautu e kimihia ana e rātou.