Kei te rāhuitia te wai ki Tūranganui a Kiwa

Te Kuru o te Marama Dewes
  • Te Tai Rāwhiti

Kei te akiaki te kaunihera kia rāhuitia te wai e ngā kainoho o Tūranganui a Kiwa. Ka whai tēnei i te pāhū o te paipa matua.

Hei tā te Koromatua o Te Kaunihera o Te Tairāwhiti hei tā Meng Foon, “Kaua e horoi ō kōtou motokā, whakakī o kaukauranga, mē kī kia tūpato, kia tūpato te mahi o te wai.”

Kei te takiwā o te 13 mano ngā whare, otirā, whā tekau mano tāngata ka pāngia e tēnei rāhui.

He kaimahi ki Fulton Hogan ko tā John Durhkadt, “(We’re) just letting some water, some air get out of the line as well as becoming like a scour valve that releases some rubbish that we might have put in the line or however.”

“Kua timata mātau te mihini tuarua, mahi wai, kei Waipaoa tēnā, koira te mahi ināianei”, te kī a te Koromatua a Meng Foon.  

Hei tā te kaunihera ahakaoa he māro ake te wai ā he rerekē te tāwara kei te pai tonu.

“Kua rangahau te wai rā, ā kāre he paitini kei rō, ka taea e kōtou te inu. Mēnā he āwangawanga kei a kōtou, koropūpū kei rō i kōtou kē tērā i mua i tō kōtou kapu tī”, te kī a Meng Foon.

Toru ngā rā e rangahau ana kātahi ka puta te pānui a te kaunihera.