Ngā kaupapa: Environment, Transport

Ka whakakorea te haere o ngā waka ki runga i ngā puia o Tāmaki Makaurau

updated
  • Tāmaki Makaurau
Maungawhau - Photo / file

Nā te tuku para, inu waipiro me ngā mahi whānako ka whakakorea te haere o ngā waka ki runga i ngā puia o Tāmaki Makaurau hei tērā tau, hei pupuri hoki i te mauri o ngā maunga, koia te tino āki a te Kaunihera o Tāmaki Makaurau me te manawhenua o Ngāti Whātua ki Ōrākei.

Ko Maungawhau te tuatahi o ngā puia ka rāhuitia, ka katia ngā kēti o runga, engari arā tonu ngā tohe a ētahi mō tēnei ture hou.

Kei te hoha a Ngāti Whātua ki Ōrākei me Te Kaunihera o Tāmaki Makaurau mō te hunga kei te tūkino i ngā puia maunga. Mā te whakakore i te hunga hari waka ki ngā tihi tapu e māmā ai te huarahi whakamua mo te taiao.

Ka puta he rīpoata hei whakamārama i ngā tikanga hou mō te piki maunga hei te marama o Paengawhawha a tērā tau.

E mea ana a Ngāti Whātua ki Ōrākei, ka taea nga pahi me ngā motuka te whakatu i a rātou waka ki ngā wāhi pēnei i Maunga Whau.

Engari he rua rau mita te roa o te hīkoitanga mo tēnei hunga ki te tihi. Ko te tohe a ētahi, he pōrearea te kaupapa nei.

Ko ngā waka o Tāmaki Hikoi anake ka āhei ki te piki maunga, he rōpu kei raro i te mana o Ngāti Whātua ki Ōrākei me Te Kaunihera o Tāmaki Makaurau kua tekau tau e haere ana. He waka kawe i te hunga kaumātua me te hunga haua mō te kore utu.

Heoi anō e pōhēhē ana ētahi, e manako ana a Ngāti Whātua ki Ōrākei ki te mahi moni mō ratou anō i raro i a Tamaki Hikoi, engari kāore tērā i te tika.