Kaupapa: Education

Ka whai hua te haere tawhiti ki te whakatūtuki i ngā tohu ringa rehe

  • Tāmaki Makaurau

Ko te kaupapa ringa rehe Māori Pasifika hoki kei te (MPTT) kukume i te rahi o ngā Māori, ahakoa pēhea ngā rau kiromita te tawhiti, ia wiki. E ai ki tētahi matua, ki a Renata Pullen-Burry ahakoa tana haerenga nui i Taranaki ki Tāmaki Makaurau ki te whakatutuki i tana tohu ringa rehe, ka tino whai hua tana whānau.

He pātere matekite pea, engari e tōminamina ana a Pullen-Burry kia whakatata mai te pae tawhiti.

E waru rau neke atu ngā ākonga ringa rehe Māori, ngāi Moutere hoki kua uru i te kaupapa nei i Tāmaki Makaurau. E rua rau o rātou whērā i a Pullen-Burry ka whiwhi i te karahipi e ono mano e rima rau te wāriu hei whakatutuki i tōna tohu hei kaimahi hiko me te tautoko whai mahi.

“Kia kimihia ngā mea o rāwaho kia haere mai ki rō tāone, kia uru atu ki roto i ēnei momo rōpū, kia mahi tahi ai. He tino tautoko tēnei rōpū mō ngā kaimahi e mokemoke ana,” i mea atu a Tā Pita Sharples, Kaumātua Mana Whakahaere o MPTT.

I te tau rua mano tekau ma wha, e whā tekau mā toru miriona tāra te pūtea i tukuna e te kāwangatanga o Nahinara ki MPTT, wheoi ināianei, e karanga tonu ana te ahumahi hangahanga whare i ngā ringa rehe atu.

E matapae ana a Pullen-Berry ka mahi hei tauira kaimahihiko ā tērā tau.