Ka tuku whakapāha atu te Waikato DHB ki te whānau House of Shem

Leah Te Whata
  • Waikato/Te Waiariki

E tuku whakapāha ana te poari hauora o Waikato ki te whānau o te kaiwaiata rongonui, o Carl Perkins. E whai ana tēnei i te tohe i puea ake i te korenga o te hohipera i whakaae kia noho atu tōna hoa rangatira, a Denise ki tōna taha i te pō i mua tōna hāparaparatanga.

E ai ki te Tumu Whakarae o te poari hauora o Waikato, ki a Derek Wright, me whakapahā ka tika.

He pōhi pukamata i whakairihia e te kaiārahi o Mana, e Hone Harawira, ā, kua kitea te pōhi e te rua ira waru mano tāngata. Ko tā Harawira, i panaia a Perkins ki waho, ā, he kaikiri kē te take.

Ko te Hohipera o Waikato tērā i korerohia e Hone Harawira. Engari e ai ki te tumu whakarae o te waikato dhb kaore ratou i pana i te wahine ki waho. Enari kē rātou i pātai ki a ia ki te nuku ki te rūma whānau.

Anō i a Wright, kua kī rawa te hohipera, ā, kāore a Carl Perkins i whai wāhi ki tētahi rūma tūmataiti. I noho kē ia i taha o ngā tūroro e toru, koirā te take i pātaitia a Denise Perkins ki te nuku.

Kua kōrero a Te Kāea ki tētahi mema o te whānau Perkins, ā, ko tā rātou, e aro nui ana te whānau ki te tautoko i tō rātou pāpā i roto i ngā āhuatanga o te hāparapara.