Ngā kaupapa: Entertainment, Kapa Haka, Tūhoe

Ka tū te Hui Ahurei ki Te Waimana Kāku 2020

  • Waikato/Te Waiariki

Kua riro ki Te Waimana Kāku te mana ki te whakahaere i te Hui Ahurei a Tūhoe hei te tau 2020 ka whai tēnei i te hui a ngā ngā taraketi o te Taunuku Kororangi, te rōpū matua o te Hui Ahurei ki Mātaatua Marae, Rotorua.

E ono tau rātou e tatari ana, engari kua tutuki o rātou wawata ki tā Martin Rakuraku o Te Waimana Kāku, “kei te tangi ake i te āhutanga o tēnei whakahoki o mātou i te koroua nei, ā, te mauri ki Te Waimana, kei te tangi ake na te mea, kātahi hoki tētahi Ahurei mīharo, ā, i tū ki waho i te rohe”.

Nō te tau 1999 i tū ai Te Hui Ahurei ki roto o Te Waimana. Heoi, mo te rōpū i whakahaere i te Ahurei i tēnei tau a Mātaatua ki Rotorua i te rite rātou kia whakahaere anō i te hui, heoi e koa ana rātou kua riro atu te mauri ki Te Waimana Kāku.

“Kei te tau taku wairua kei te pai taku wairua, taku ngākau e haere ana, e hoki ana a Tamarau ki ērā o tātau o Te Kāku te take he kua roa a Te Kāku e tono ana i te Ahurei, kua roa ia e tono ana i te Ahurei kia hoki ki roto ki ērā o tātau heoi anō i runga i ngā whakatau o ērā wā, karekau i tae ki a rātou” ki tā te heamana whakahaere o te haukainga a Whitiaua Ropitini.

Tekau mā rima mano ngā tāngata i matapaetia e ngā kaiwhakarite ka tae mai ki tēnei hui, ono rau ngā kaihaka o ngā rōpū haka pakeke, tamariki i tū, wha tekau ngā tima poitarawhiti, toru rau ngā kaitākaro, tekau mā rima ngā tima whutupōro, toru rau ngā kaitākaro. “Ko te tono i riro tonu ma taku tama hei kaupapa kōrero mānga i te whai kōrero i tana tū i waiho tapu tērā tono i mua tonu atu o te whakaeke o Te Waimana Kāku, anei i te ahurei nei, ko tēnei tono e kī au kua roa te wā o taku pāpā o rātou mā” ki tā Rakuraku.

Heoi anō, kāre anō kia mutu ngā mahi o Te Hui Ahurei, ka tū anō te hui mo ngā taraketi o te Ahurei me Te Taunuku Kororangi hei te marama o Pīpiri e tū mai nei.