Kaupapa: Waitangi

I whakapuakihia e ngā kaiporotēhi i Waitangi ō rātau whakaaro ki ngā mahi keri hinu

  • Te Tai Tokerau

Ko te takahi a te ope hīkoi i tae ä-tinana mai ki te whakapuaki i tä rātou whakahā i ngā kaupapa kōwiri hinu, mātua rä ngā mahi kōwiri hinu ki te riu moana o Te Reinga.

I te ope hikoi e tatari ana kia whakaeke atu ki runga i te marae o Te Tī, ki Waitangi, ka puta mai te pou o te whānau Harawira, a Titewhai Harawira, ki te whakapuaki i ōna ake whakaaro

Kua whakaae te Kāwanatanga ki te tono a Statoil, kia whakatinana i āna mahi rapu ki Te Reinga, e tekau mā rima tau te roa.

Ko te āki tonu a ētahi māngai nō Te Hikutū, arā kē ētahi atu huarahi e taea ai e te motu te whai.

Kīhai ngā kaiwhakahaere o Te Marae o Te Tii i whakaae kia pōhiritia te ope hīkoi ki roto i te poho o Te Tiriti o Waitangi, ā, i rongohia rā te auē ā te kaiwhakahaere, i te whakaaenga kē a te Marae, kia kuhu atu te Pirimia, a John Key.

I te rerenga o ngā whaikōrero o roto i te whare o Te Tiriti o Waitangi, i tuku atu te reo pōhiri a Te Pirīmia, ki tētahi o ngā māngai o te ope hīkoi, a Joel Bristow, kia wānangahia ō rātou nawe mō te kōwiri hinu ki Pōneke. Ki te kite he hua, ka whakaae te Pirimia kia kōkiri i ngā panonitanga.