Hei tā ngā whakatewhanga nā tētahi i tahu te ahi ki runga o Mauao

  • Waikato/Te Waiariki

He nanakia tahu ahi e kimihia ana e ngā pirihimana mō ngā ahi ki Mauao i tērā wiki.  E whai ana tēnei i ngā kitenga o ngā whakatewhatewhanga a ngā āpiha ki te pūtake o ngā ahi, tērā nā te ringa o tētahi i mahi.

Kua tūwhera a Mauao ki te iwi whānui.

Hei tā Awanuiārangi Black (Ngāi Te Rangi, Ngāti Pukenga), "Tuatahi ake rā kei te aroha ake ki te maunga ki tō mātou tīpuna maunga."

I tūkinohia te maunga mai ki te raki ki te rāwhiti o Mauao, ki tā Alan Pearce, āpiha kaitīnei ahi ko tā ngā kaiwhakatewhatewha, he mea whiu i te taonga pahū ahi mai te tihi o te maunga.

"Ko ngā whakamihi ki te hunga nā ngā te ahi i whakaweto nō reira kia pērā pea waku kōrero me te whakapuaki pea i te mamae i roto i te iwi," te kii a Black.

He mema ia ki runga i te rōpū kaitiaki o Mauao. 

Hei tāna kei te noho rāhui tonu te wāhi i tūkinohia na runga i te ahi, "Kei te hui mātou taihoa ake nei wētahi o mātou koroua, ko te hunga e tiaki nei i te maunga ki te kōrero mo tēnei me te mea nei, ā, ko te kimi i te wāhi e hihiri ake nei anō tōna mauri."

Kei te haere tonu ngā whakatewhatewha mo te ahi ki runga i a Mauao, engari ka riro mā ngā pirihimana o Tauranga e whakahaere, mēnā he kōrero wāhou whakapā atu ki a rātou.