Ngā kaupapa: Arts, Business, Education

He whakakitenga hōu hei tohu aroha ki ngā mahi raranga ki Te Puia

Mere McLean
  • Waikato/Te Waiariki

He whakaaturanga hōu ki Rotorua i whakarewahia ki Te Puia e whakanui ana i whakarerenga o te kairaranga. He Hekenga nō ngā Tūpuna te ingoa o te whakakitenga e whakaatu nei i ngā mahi mai te kāhui kairaranga hōu o Te Rōpū Kōtuku Rerenga Rangi ki Te Moana nui a Toi. He whakaaturanga tēnei hei tohu aroha ki a rātou e pikau, e whakaora nei i ngā mahi raranga. Hei tā John Turi-Tiakitai, māngai kōrero mo te whakaaturanga “Ko te mea kē, ko Emily Schuster i timata te whare pora i konei, i taua wā nui tonu ngā iwi e toro atu ki a ia kia ako aia nō ngā mahi raranga”.

I tēnei whakaaturanga ngā mahi a ngā tauira ō mua a Emily Schuster, ā, i konei hoki ngā tauira kairaranga hōu, tāne mai, wahine mai. Iwa tekau te pakeke o Matekino Lawless, mātanga kairaranga, hei tāna miharo kē te kite atu i te whakatipuranga hōu e whai mai nei. “Mōku ake i tōna pakeketanga he mea nui kei te mahi tonu mātou i ngā taonga nei, ā, kei te kuhu mai te reanga hōu kia kore e ngaro ai tēnei mahi”. I tīkina atu te tauira raranga o tēnei taonga nō ngā iwi taketake o Siletz ki Oregon, Amerika.

He mātanga kairaranga a Bud Lane nō te iwi Siletz i tae mai ki te tautoko i ngā mahi raranga. “He tūhonotanga kei waenga i a mātou, ngā iwi taketake o te Māori, o Aotearoa”. Mo Tina Wirihana, kairaranga ki Te Waiariki “i roto i ngā tau kua haere ngā kairaranga ki tāwāhi ko Emily Schuster i para i te huarahi i haere ki California, Amerika. Nō reira mo mātou kei te pikau nei i ngā mahi nā ngā i para, me rātou mā a Te Aue Davis, Cath Brown haere tonu nei”. E whakaatu tuatahi nei te whakakitenga ki te whare whakaatu o Te Puia ki Rotorua.