Kaupapa: Transport

He whakahaumaru ake i ngā rori ki Te Tairāwhiti

Te Kuru o te Marama Dewes
  • Te Tai Rāwhiti

E rua tekau miriona tāra ka whakawhiwhia e te Kāwanatanga hei whakapaipai i ngā huarahi mōrearea ki te rohe o Tūranganui a Kiwa i te ekenga ake o ngā mate huarahi. Mā te kawenga whakahaumaru e taea ai a Waka Kotahi te whakapai wawe ai i ngā rori.

Ka whakatakotohia ngā rarangi haruru, ka whakawhanui i nga pokowhiwhi o te huarahi, ka whakatu i ngā tohu whakatūpato, i ngā ārai ki nga wāhi kōpiko anō hoki. Kei te harikoa Te Kaunihera o Te Tairawhiti i enei whakawhanaketanga.

Hei tā te Koromatua o Tūranga Nui a Kiwa hei tā Meng Foon, “He nui ngā aitua kei runga i o tātau rori, he nui ngā motokā tūtuki taiapa, tūtuki rākau, kua mate wētahi o ngā kaitaraiwā, me ngā kainoho”.

Hei ta te kaitohutohu o ngā mahi whakahaumaru o Waka Kotahi, Hei ta Harry Wilson, mā ngā rārangi haruru e heke iho te mōrearea o ngā Tukinga motoka i te hauwhā, otirā ka heke te morearea o te i te whā tekau ōrau. Ka mutu, he raru nui enei ki Te Tairahwiti.

Hei tā Meng Foon, “He nui ngā taraka mā runga tātau rori kua tahuri, me kī kua taka kei rō i ngā manga hoki, koira te āwangawanga ka mau te wehi te kāwana e tirohia e tautokongia ki a mātau te pūtea hei whakapaipai hei whakahaumaru o tātau rori mō tātau katoa o Te Tairāwhiti”.

11 nga huarahi ka whakapaipaitia, ara te huarahi atu i Turnaga ki Wairoa, ko te huarahi atu i Turanga ki Matawai, ko te huarahi atu i Turanga ki Uawa ano hoki.

Ko te pae tawhiti, he ārai whakawehe ka tu ki waenganui i Te huarahi ki nga wahi morearea, Kia Kaua te motoka e whakawhiti ki tera atu taha. Hei nga wiki e heke mai nei timata ai nga mahi.