Kaupapa: Iwi Settlements

He rangatira kua hinga nō Tauranga Moana

  • Waikato/Te Waiariki

He tōtara haemata o Ngāti Ranginui a Tākuta Morehu Ngātoko Rahipere kua hinga. He kaitautoko i te Kingitanga, he kaiwhawhai i te whakahokinga atu o ngā whenua i raupatuhia ki ōna iwi o Tauranga Moana. Rua marama ki muri i te whakanui te whānau o Takuta Morehu Ngātoko Rahipere i tōna huritau iwa tekau, i tēnei rā e mōteatea nei o rātou whakaaro na tōna matenga.

Hei tā Te Moanaroa Ngātoko Rahipere, kaikōrero mo te whānau “kei te ohorere te whakaaro, e mapu ana te hinengaro, te heke roimata, e pā ana ki te wehetanga atu o ta tātau pāpā rangatira.” Nō te tau rua mano mā whitu i whakawhiwhi ia ki te tohu a te kuini. He kaihapai i te reo Māori, kia kōrerohia e te whakatipuranga hōu. Heoi, e kaingakau ia kia mau ki ngā tātai ā iwi.

“Koia tētahi o ngā koroua o te moana nei kia hapai ake i te Kingitanga, e whai atu e ia i ngā tapuwae o tēnei Marae pēnei i a Maharaia Winiata, i a Te Hare Piahana, ā, tōna tuataka Tio.”

Nō te tau rua mano tekau mā rima ka whakawhiwhi ia ki te tohu kairangi ki raro i te Whare Wānanga o Waikato. Hei tēnei Rāmere a te haurua mai i te whitu o te at aka timata ngā karakia whakamutunga i mua i tōna takotoranga ki te taha o ōna mātua tipuna. “Tō mātou urupā, kei Motuopae kei tētahi o ngā moutere kei waho rā i te Marae.”

Mo tēnei pō ka takoto ia ki te Wairoa Marae, Tauranga moana i mua i tōna hokinga ki konei, ki Huria.