Ngā kaupapa: Iwi Settlements, Ngāpuhi, Treaty Settlements

He mahi whai kōti a tētehi hapū o Ngāpuhi hapū hei whakatārewa i ngā whakataunga tiriti

Mānia Clarke
  • Tāmaki Makaurau

He kōhao anō kei te ara whakawhanake i te whakataunga tiriti o Ngāpuhi.

Ko tētahi o āna hapū taura here i Tāmaki Makaurau, ko Mahurangi e aro atu ana ki te kōti ki te whakatārewa i te kōwhiringa o Te Roopu Tuuhono hei mana whiriwhiri i te kereme.

“Kua roa a Mahurangi e tū ana engari tō rātou kore pai, ngā iwi o te kāinga anō, nā Ngāpuhi,” i mea atu a Miriama Solomon, “ahakoa mātou, tātou katoa o Ngāpuhi, kei reira anō ētahi e whakakoretake ana i a mātou.”

Wheoi hei tā Sonny Tau o Te Roopuu Tuuhono, ehara te kōti i te wāhi tika kia ea ai i ngā nawe.

“He mahi taurekareka i te mea me tuku a Ngāpuhi ki te haere i tana mahi,” i kī atu a Tau.

Kua toru tau a Mahurangi e rēhita ana hei iwi mana whenua o Tāmaki Makaurau.

E ai ki tā rātou tono kua aukatingia rātou ki te tuku pōti ā-hapū mēnā āe, kāo rānei me kōrero tōtika atu a Te Roopuu Tuuhono ki te kāwanatanga hei whakatau i ā rātou kerēme whenua.

“Tika ana rātou e whai wāhi ana rātou ki roto i ngā kerēme mō Mahurangi ki raro i te mararā o Ngāpuhi, engari me pēhea tātou e whakatutuki ai i ēna?” te korero a Tau.

“Ā tae noa hoki mai rātou ki te kōrero tahi ki a Ngāpuhi ki te Roopuu Tuuhono nei.”

Ehara tēnei i te wā tuahahi kua rangona e te Minita Whakatau Take Tiriti i ngāua  amuamu tae mai ki tēnei waa kahore tonu ia mo te whakapakepake ake ki nga whakahau.

Kua whakakorengia e te kōti tā rātou tono whakatārewa, engari, e āhei ana rātou ki te tuku tono hei aukati i te kōwhiringa.