Kaupapa: Education

He mahi porotū a ngā kaiako kei te haere ake ā tērā marama

  • Te Whanganui-ā-Tara

He mahi porotū kei te haere ake i ngā kaiako me ngā tumuaki kura tuatahi, whai muri i tā rātou whakahē i te tono whakapiki utu mahi hōu a te Minita Manatū Matauranga, a Chris Hipkins.

Hei tā Te Riu Roa kāore taua tono e ea ai te pokea e ngā mahi, te riro kaiako hōu, te pupuru ki ngā kaiako me ngā rauemi āwhina.

Hei tā te māngai mō ngā kaiako hōu me ngā tauira, hei tā Jordan Kaie,

ia rua tau he nui te utu mō te rēhita.

“Koia tētehi o ngā rongoā. Ia tekau tau ka utua tō rēhita ki a tātou he rongoā pai tēnā o Tāmaki Makaurau,” ka mea atu a Kaie.

“Mēnā e pērā ai he pūtea pea kei ngā pūkoro mō te kaiako, hei wānanga, hei hoko rauemi anō mā tō ākomanga mō āna wheako hoki.”

Ā, mohoa nei, e panoni ana te kāwanatanga i ngā ara atu mō te whai mātauranga, whērā i ngā kura hourua.

“Kei te pokea hoki ngā kaiako i runga i ngā mahi te whakamau i ngā pōtae o tēnā o tēnā i roto i tō tātou ao Māori, kapa haka, kura reo, Manu Kōrero, wērā mea. Kei te mimiti haere i tērā puna, kei te whā toro haere ngā kaiako hoki.”

He mahi porotū kua whakaritea mō te kotahi wiki ā tērā marama, ā te tekau mā rima tae atu ki te tekau mā iwa.

“Tīmata mai i a Tāmaki Makaurau hei te tekau mā rima te rohe katoa ka porotū mō te kotahi rā.”

E ai ki a Kaie ka heke haere ka heke haere, hei te tekau mā iwa ko tātou tērā ka tū ki Te Whanganui a Tara.

Ko te manako ia a Te Riu Roa mā te whakararu tuarua i ngā tauira e whā rau, e ono tekau māno hurinoa i te motu, tēra pea ka whai hua ngā kaiako.