Ngā kaupapa: Education, Housing

He iti te utu, he pai mō te taiao, ā, ka tū tonu mō te wā tino roa

Te Kuru o te Marama Dewes
  • Te Tai Rāwhiti

I ēnei rā e piki haere ana ngā nama hoko whare, me te aha, ki te taone o Ruatōrea ki te rohe o Ngāti Porou, he huarahi mātauranga e whakaāhei ana i te hapori ki whakamahi i ngā rauemi o te taiao.

Ko tā Tom Kaa, “Tātau o Ngāti Porou nei kei te noho pani noho rawakore kāre he mahi karetahi te utu taputapu mō te hanga whare engari tēnei, e tama, kei te kāenga tonu ngā taputapu mō tēnei mahi.”

Hei tā Ripeka Faye Pohatu, “Ka whai whare te whānau, pai te mahi, kāre he nui te utu mō te whare.”

I te rā nei kei te ranuranu ngā tauira i te uku me te pātītī hei paraka, ka whakamaroke i te rā kātahi ka whakakīkī haere ai i ngā pakitara o te whare.

Atu i Taranaki Ki Ruatoria ko Aubrey Day tērā e whai ana i ngā mātauranga nei  “So there's a lot of different ways to build with natural materials, so this one is heavy on straw, and that creates insulation, it's kind of like pink bats but it's nontoxic”, says Day.

Hei tā Ripeka Faye Pohatu, “The thing I like about this course is that we'll be using a lot of things like the plastic choking up our moana it can be used to make these whare.”

Rua tau te huarahi mātauranga nei ki Te Aho a Māui ki Ruatorea e whakaakotia ana, ahakoa te pakeke he whakatō i ngā pūkenga hanga whare, ko ngā rauemi matua he uku, he muka, he wāhie anō hoki.

Ko Grant Steven te kaiako arā hei tāna kei te whai haere te ao i tēnei momo mahi, “So we're working with traditional building methods but we're doing in a new way that works better for modern times.”

Kei te whakatakoto mahere kē ngā whānau nei ki te whakahoki atu i ngā painga ki ō rātau ake whānau.

Kei te rekareka tō te iwi kāenga ki tēnei mahi kei te pīrangi tō wētahi o ngā marae kia whakatūngia pizza oven, tere ei, tere mō te mahi kai wētahi wā kāre he mānuka hei mahi hāngi wepua roto te mea nei.

Hei tā kōkā Bella Kaa, “Koira taku mahi tuatahi pīrangi me whakahokia te akona o tēnei mahi uku ki te marae o taku tāne Ohinewaiapū kei Rangitukia tērā marae.”

E whitu wiki anō e toe ana ki tēnei nā o ngā māpu hanga whare kātahi ka hau mai ai te rōpū hou.