Ngā kaupapa: 28th Māori Battalion, ANZAC

He hui whakamaumahara i ngā hōia nō Tūhoe i te rā o Armistice

  • Waikato/Te Waiariki

He māngai nō ngā kāwanatanga o Wīwī me Belgian i tae ki te hui whakamaumahara i Te Rewarewa Marae i Ruatoki, ki te hui whakanui i te mutunga o te Pakanga Tuatahi o te Ao.  He tohu whakarākei i te hui, i whakanuia ai ngā tāne o Tūhoe i tū ō rātou ringa kia haere ki te pakanga.

Hei tā Hemana Waaka (Ngāi Tūhoe, Ngāti Awa), “Tēnei rā nui, he whakaohooho i a mātou ngā whānau e noho ana i Ruatoki huri noa i a Ngāi Tūhoe te āhuatanga o ngā koroua nei, ā, o rātou whakawhititanga, kotahi rau tau i tēnei tau.”

E rua ngā tohu mētara rangatira i whakarite hei mea tohu ki ngā uri whakaheke o Puia Tamehana me Pa Te Amo.  Ko te tokorua nei ētahi o ngā tāne whitu tekau mā rima nō te rohe pōtae o Tūhoe i haere ki te pakanga.

Ko Tākuta Elisabeth Jacobs o te kāwanatanga o Belgium i tae mai ki te whakamaumahara i te tiriti i waitohua hei whakamutu i te pakanga tuatahi, he kawenata i haina ki tōna whenua i te tau kotahi mano, iwa rau, tekau mā waru, ā, i tae mai anō he rangatira nō Wiwi hei tohu whakamaumahara ki a rātou i mate mo te whenua o Wiwi.  

O ngā tāne o Tūhoe i uru ki te pakanga, rima tekau i haere ki tāwāhi, tekau mā toru i uru engari kihae i whakawhiti atu, ā, tokoono he Pākehā.