Kaupapa: Technology

Grabity - he kēmu karetao

Tema Hemi
  • Tāmaki Makaurau

Ko Grabity he kēmu mā ngā rēanga katoa ā, e ai ki ōna kaihanga, ka rata nui mai ngā momo kaitākaro katoa.

Ko tā te kaihanga o te kēmu nei a Steve Salmond, "I toko ake māua i te whakāro mo tēnei kēmu me te kākaro tō ā papa, nōreira kei te whiu i ētahi mea, ka huri whakarunga whakararo, ka kauhuri hoki. Āe ka rapu i ēnei mea katoa."

 He ai ki a Steve Salmond, "ko tāna e hiahia nei kia whakamāori mai te kēmu nei kia manawa reka ai ki ngā tamariki e tipu mai ana i Te Reo Māori. Ko taku irāmutu me ana tuahine i kuraina ki tētahi kura kaupapa nōreira e matatau ana rātou. I awhina mai e Johnny boy me te whakamātautau i te kēmu ko ia pea taku tino kaiwhakamātautau ā i tētahi rā I whakārohia e au kia whakamāoritia te kēmu Grabity mā ngā tamariki pēnei i a Johnny i tipu reo Māori mai."

Kua eke panuku te kēmu nei i roto i te ao tākaro kēmu ataata, inaianei e uru atu ana ki roto i te ahumahi kēmu ataata e kotahi rau piriona tāra i huamoni ai i tēra tau. 

ko tā Salmond anō, "ko taku hoa a Moritz te kaitoi o te kaupapa nei i tukuna te kēmu ki te whakataetae Kiwi Starter i te tau rua mano tekau mā ono, ā i toa i taua whakataetae."

Ko tā te kōrero a te hunga whakamāori i te kēmu nei, ēhara kē tana mahi i te mahi māmā.

Ko tā te kōrero a te hunga whakamāori i te kēmu a Jack Potaka, "he maha rawa ngā kupu kaore e noho ki roto i ngā puna kupu ki ā tāua te Māori. Nōreira ko tā te mahi o māua ko taku hoa a Te Whainoa kia whai whakāro mo ētahi kupu hōu."

Ko tā Jack Potaka anō, "ko te wawata ia ka whakamāoritia i ētahi atu kēmu ā tōna wā. He tino hōnore kia whai tūranga ki ēnei mahi, i te mea he kaupapa nui whakaharahara tēnei kia whakamāori ai i tētahi mea e noho pumau i roto i te ao, i tēnei wā tonu."

Ka whakarewaina mai te kemu Grabity hei te Rāpare ā ka tāea te tiki atu i paetukutuku o Steam.