Ngā kaupapa: Entertainment, Te Reo Māori

E kauwhau ana a Hoani Te Kaiwhakairiiri i te reo

Mānia Clarke
  • Tāmaki Makaurau

E kauwhau ana tētahi Minita Iriiri nō Ingarangi a John Catmur i te rongopai mō te reo Māori. Kei te whakaatu atu tana haerenga i tētahi pakipūmeka poto e kī ana John The Baptist, nā ringa tohu kaihautū takirua tauhou hoki, nā Kayne Ngatoko Peters rāua ko Piata Gardiner-Hoskins.

“Ki au nei he kaupapa e pā ana ki te whakamoemiti ki Te Atua, ki te whai ngā mea tika, ngā mea e pā ana ki ngā mea ōritetanga ki ngā tāngata katoa,” i mea atu a Catmur, “koirā te hāngai o te reo ki tōku kaupapa o te minita.”

He mea karanga nā Te Atua, i hūnuku mai a Hoani mai i Ingarangi ki Aotearoa i te tau rua mano mā whitu ki te tonga o Tāmaki Makaurau ki Māngere.

Hei tāna, nōna e noho ana i konei, i whakatō te hīnātore ki te ako i te reo me ngā tikanga Māori.

“Nā te ātaahua o ngā kupu whakarite, ngā kupu whakaniko rānei. Nā te rangatiratanga o tēnei reo i tēnei whenua, koinā pea te mea nunui ki au,” i mea atu ia.

Nā konā i whakaawe ai a Peters ki te hanga pakipūmeka poto i te kaupapa o Loading Docs 2018:IMPACT mō ngā kaihanga kiriata.

“Ki te whakatikatika ō rātou whakaaro mō te reo Māori. Ko te reo he taonga o ngā tāngata tuku iho o tēnei whenua,” te kupu a Peters.

Ka whakarewa ake te kiriata nei mē ngā kiriata poto e iwa ki Tāmaki Makaurau.

E kōkiri ana a Peters kia whakaatu hoki ki ngā taurima kiriata i te ao ki Ngā Anahera me Rārana ā tērā tau.