E karanga ana ngā hoa o te hunga hāmene kia aromatawai i ngā tukanga pane uruwhenua

  • Tāmaki Makaurau
  • Waikato/Te Waiariki

Kei te karanga tētehi kāhui o ngā hoa o te hunga manene ki Te Ratonga Manene o Aotearoa ki te aromatawai i ā rātou tukanga tuku pane uruwhenua. I te tiriti matua o te pokapū o Tāmaki Makaurau rātou ki te porotehi me te whakapae kei te mawehe Te Ratonga Manene i ngā whānau.

Hotuhotu ana te ngākau o ngēnei ipo, whērā i a Nikki Harawira kia noho ngātahi ai anō ō rātou whānau.

Hei tā Harawira, ahakoa te pai o tā rāua uiui ki ngā āpiha, kia kore ai i tōna hoa manene e whakahoki ai ki te whenua o Inia, kei reira kē ia ināianei.

O ngā tono tekau, kotahi ka whakakorehia. E ai ki tēnei kaitohutohu manene, a Tuariki Delamere me tautoko te kāwanatanga i te noho ngātahi o ngā tamariki me ō rātou mātua.

E ai ki Te Ratonga Manene o Aotearoa ki Te Kāea, me pono, me mauritau te hononga. Me te whakapae, kāore he mana tō te mārena anake. Ki te kore ngā tono e eke ki ō rātou hiahia,  ka tonoa mō ngā tuhinga tūturu.

Ka whawhai tonu a Harawira mō te hokinga atu o tōna hoa ki Aotearoa.