E ākina ana ētahi kia noho matāra ki te hunga whānako

  • Tāmaki Makaurau

Kua noho te hunga kaumātua o tētahi wāhi nohonga i Te Tonga o Tāmaki hei keo mā te hunga whānako.

Nō ngā wiki tata, e hia kē ngā wā kua whānakotia ngā kāinga ki te takiwā kotahi, ā, inaianei kua mataku tētahi kaumātua ki te moe atu ki tōna ake kāinga.

Ko tēnei te pā kainga o Ōtara, he wāhī e nōhia ana e ngā kaumātua pēnei i a Valentine Ryland-Osborne.

Hei tāna i te marama kua pahure, he tata ki te rima ngā whānakotanga kua kitea ki tēnei rohe kāinga.

E ai ki a Valentine, i huihui ngā kainoho me ngā pirihimana i ngā rangi okioki mō te take ki ngā whānakotanga.

Whai muri i tēnā, ko tā Valentine hiahia inaianei he whakamōhio ki ōnā hoa kainoho tata kia mātara rātou, me te mea nei, kia kaua rātou e whakaae noa kia uru mai ētahi ō ō rātou whanaunga, hoa hoki. 

Horekau anō ngā kainoho kia kite i te Kaunihera, pēnā rānei ka whai whakamarumaru tiaki ki tēnei wāhi, engari ēhara i te mea kei te tuoho noa ngā kainoho.

E ai ki a Kathleen, ko te nuinga o ngā raru whānako ka kitea i konei, he mea whai pānga ki te hunga ka noho ki konei.

Nā reira tonu te āki, kia matāra te hunga kaumātua i kōnei.