Brown pleas for support

  • Tāmaki Makaurau

He karere ohorere tera i puta inapo mo ngā mahi puremu a te Koromatua o Tamaki Makaurau, me te aha kore rawa aia i tarai ki te karo i ngā whakapae kua uhia ki runga iaia. Heoi i waenga i ngā iwi o Tamaki Makaurau, tera te rere amoirangi o ngā whakāro a tena a tena.

Ko te wahine nāna nei i whakaputa ngā korero mo a raua mahi puremu, ko Bevan Chuang, a kei te tono aia ia Renata Paraone kia makere mai i tana turanga Koromatua. A kei reira ano te hunga tautoko me te hunga whakahē ki taua tono.

I tēnei wā, e ai kia Len Brown, ka noho tonu aia ki te whakatutuki i ngā mahi nui kei mua i tona aroaro, me te aroaro a tona Kaumihera.