Kei te whakahē te Kaiwhakahaere o te Whare Hauora o te marae o Papakura i te mahi porotū a ngā tākuta teina kia pai ake ai ā rātou tikanga mahi. E ai ki a Tākuta Rawiri Jensen ko te manaaki i te tūroro te mea nui.
He kaikauhoe a Bronagh Ryan o Ngāti Porou whai ana i te ara ki ngā taumāhekeheke o te ao ka tū ki Hapane a tērā tau. Ka kōrero ia e pā ana ki te rautaki e tutuki ai ngā mahi ako, te whakawhanunga ki ngā hoa otirā te whakataetae ki te taumata tiketike.
Ka whakaemi ngā hapori Hūrai, tauiwi anō hoki ki ngā huinga hurinoa i te motu i tēnei Te Rā Whakamahara Pōautinitini o Te Ao.
Mō te wā tuatahi ka tū ngā whakamaumahara i Tāmaki Makaurau ki te marae o Te Wānanga Aronui o Tāmaki Makaurau.
Kei te hono ngātahi ngā minita o mua nō ngā rōpū āpitihana tōrangapū, a John Tamihere rāua ko Christine Fletcher hei tira hoa mō te tūranga koromatua o Tāmaki Makaurau.
I puta te whakatau a te tokorua rā, arā, ka noho te minita o mua o te Pāti Nāhinara a Fletcher, hei tuarua mō te minita o mua o te Rōpū Reira a Tamihere.
Ko te ra whakakapinga tēnei ki Ratana Pa, ko te mahi e toi ana ko te whakatikatika i te marae. Tokomaha o ngā kaimahi he kaihaka mō te kapahaka o Te Reanga Morehu o Ratana. Ko ta rātou aronga inaianei ko Te Matatini ki te Ao, ka tika i te mea ko rātou te tuatahi i te ra tuatahi o te whakataetae.
E tu matāra tonu ana te hāhi Ratana i ēnei ra mai i tōna orokohanga mai kotahi rau tau ki muri. ko te ra whakamutunga tēnei o te hui ā kei te haputa e arahi haere ana i te marea, ko ngā pēne.
Ko Ngā Haerenga a Te Mangai Noa Nicholson e iaw tekau ma iwa tepakeke, he kuia mōrehu e maumahara ki tōna whakatipuranga i waenga i ngā whakamoemiti o te haahi Ratana. Hei te Māehe ka kotahi rau te pakeke o Noa e rima noa iho ana tau i te wa a Ratana e kōkiri nei i tōna whakapono. Inaianei e titiro iho ana ia ki te ranga hau raro e hāpai ana i ngā tini turanga o te hāhi. He maha nga rereketanga kua kitea e ia i roto i ōna tau e kore hoki he manako nui ake i tera, kia hoki mai ano ki te Ratana Pa hei te tau e tū mai nei."
Kei te hōhā ngā whānau o te ākau o Tokomaru, nā rātau te tāpae ki te Kaunihera kia rāhuitia, arā, ki te whakaturengia he rāhui waipiro ka ū ki te pokapū o Tokomaru.
Ko te reo pāpāho o te hui nui ki Ratana Pa he reo whakamōhio ai ki te huihuinga ki ngā tini kaupapa o te hui. Ka riro tēra mahi ki te hunga kaipāpāho hei hanga rārangi kōrero kia tuitui ai i ngā herenga o tēna wāhanga o te hui ki tēna.
Ko te tākiritanga o te ata tuatahi ki Hikurangi maunga hei wheako mā ngā tama o te kaipiki maunga a Tenzing Norgay, arā he āheinga hoki mā Ngāti Porou ki te whakawhanake i tō rātau ake pakihi tāpoi ki runga i te maunga.
Ko te poropiti Māori o Ngāti Rangi a Hori Enoka Mareikura rāua ko Tahu Potiki Wiremu Ratana o Ngāti Apa, i whāngaihia rāua ki ngā kupu o te rongopai e te poropiti wāhine, Mere Rikiriki. E hāpai tonu ana ngā uri o Te Mareikura i ta rātou hononga ki Ratana Pa.
Kei te toro atu ngā ringa o te kai-kōkiri i te tono Wai 2575, ki ngā uri Māori i pākia i raro i te ture Atawhai Tamariki o te tau rima tekau ma rima.
Ko te whakapae a Bev Wiltshire-Reweti, i matekiri ngā kaupapa here me ngā tikanga a te karauna ki te tiaki tika i ngā tamariki Māori, ā nā whai anō, ka whati i ngā mātāpono o te Tiriti o Waitangi.
He wāhine hauā a Beauche Mcgregor e rua tekau ma toru ana tau, i whānau mai ia me te mate Athetoid Cerebral Palsy. E whai ana ia i tana tohu paetahi kaimahi tauwhiro hēoi ko te tikanga ia me whai ia i tētahi kaiāwhina mōna. Inaianei e kohi pūtea ana ia ma tana whārangi 'Give a little' kia oti pai ia i tana tohu.
