Ngā kaupapa: Entertainment, Youth, Te Reo Māori

Tūtaki mai ki ngā reo Māori o Moana me Māui!

updated Te Kuru o te Marama Dewes

Mā wai te reo Māori o Moana e kawe? Koia nei te urupounamu kei ngā ngutu o te marea.

Ki tētahi wāhi muna ki Tāmaki, ka tūtaki atu ki tō tātau whetū hou.

Tekau mā ono ōna tau, nō Tokoroa, ā, kei te hīkaka katoa.

E manawawera ana a Jaedyn ki te mahi tahi ki te taha o Rob rāua ko Rach nā te mea i a ia e tipu ana e mātakitaki ana e whakarongo ana ia ki a rāua.

Ki tā Rob Ruha, ōrite ki te hā me te wairua o te mea tūturu kei roto i te kiriata tūturu, ā, tau ana tō tātou kōtiro.

Neke atu i te rua rau rima tekau ngā tono mō Moana, hei tā te kaiwhakarite whakaari a Rachel House he uaua te mahi whiriwhiri.

I kite a Jaedyn i taua mea i runga i a Pukamata, ā, nō muri atu i te whiriwhiri me tōna mama ka tukuna atu tāna tono.

E ai ki a Māori Maui a Piripi Taylor, e tino piripono nei āna tamāhine ki te kiriata o Moana, ā, ka ākina ia kia tukuna atu tāna tono, nā reira i pērā nā runga i te manawanui o āna tāmariki.

Ko te wawata ia ka puta a te Wiki Reo Māori hei te Hepetema.