Kaupapa: Entertainment

Theatre expresses interactions between Māori and Italians

He momo whakaari ano tēnei, e whakahoki mai nei i ngā tikanga o te hanga me te mau matarua Māori. Koia nei te kaupapa o te whakaari "Hoki Mai Tama Mā".

Hei tā Tainui Tukiwaho, “I roto i te ao whakaari he mea tino nui te matarua ki tawāhi hei Bali, hei Italy hoki, engari kāre kei ia matou i konei he āhuatanga o te matarua i roto i te ao whakaari.”

Hei ta te kaituhi whakaari a Tainui Tukiwaho, ko te hononga o te ao Māori me te ao Itāria i te wā o te pakanga tuarua, te ia o te kaupapa.

“Koina te wāhanga rongonui i nohotahi rāua, na reira i noho au ka tuhi au ki runga i taku rorohiko e pā ana ki tētahi pakiwaitara e pā ana ki tēra wāhi.”

He tuatahi tēnei momo whakaari ki Aotearoa, ano hoki ki ngā kaiwhakaari Māori, otira, he ao rerekē mārika.

Ka tū te whakaari "Hoki Mai Tama Mā" ki te whare tapere o Aotea, hei te 9 ki te 12 o Hongongoi.