Rodney Rams - Pūrongo Motuhake

Nō Te Taitokerau, ko rātou te kapa rīki nō te raki, i te whakataetae rīki o Tāmaki Makaurau.  Ā, kotahi wiki ki muri nei i kainga tō rātou whare karapu e te ahi.

Ehara hoki i te mahi mama ki te rapu tangata i tēnei takiwa hei whakakī i ngā tima takaro engari i tēnei tau kua puta he kapa riiki me he kapa netipaoro i te karapu nei.

He kainga tēnei e makona mai ana ki ngā iwi o te ao, ko Matakana hoki te taone patata ki Whangateau.  I enei rā hoki he kotahi haora noa iho te tawhiti o te hāere whakateraki mai i te puku o Tamaki.  Ko te pirimia tonu a John Key tētahi o te tinirau e whai whare noho ki Omaha i tera taha o te whanga.

He kotahi wiki ki muri kihai i mohio mehemea ka hāere tonu tēnei karapu. Iaianei na kua puta ngā pouritanga ā kua huri marika te aronga o te hapori ki te hanga ano he whare hei karapu hou ma rātou.

Whai ano, ka whakaae nga rangatira o tēnei wharekai kia tu he po motuhake ki konei hei kohi moni ma te karapu Rodney Rams.  E rua tekau taara te utu ma te tangata kotahi e hou ki roto.

Ki ngā whakamarama, e tata ana ki te ono mano taara ngā putea i kohia i te po o te paraire hei tautoko i te kaupapa me te aha, kua tata atu te karapu o Rodney Rams ki te paetawhiti kia ara mai ano he whare i ngā pungarehu nei.