Kua puta wheori ki te ao te whakatairanga Blazed

Blazed campaign goes viral

He whakatairanga mō te hunga hautū waka whai muri i te kai tarutaru kua puta wheori ki te ao mā te ipurangi, ā, i te ahiahi tonu nei, he koni atu i te whitu rau mano ngā wā kua kitea te kiriata.  Hoino, arā ngā nawe a ētahi e whakapae ana, he kiriata hāngai pū anahe tēnei ki te Māori, engari hei tā ngā ringa rehe o te kaupapa, ehara tēnā i te aronga matua.

He tirohanga mai i ngā whatu o te tamaiti engari arā tonu te whakahau ki te hunga taraiwa kohatu. 

I whai wāhi atu a Brent Mio rātou ko ētahi o Whakaata Māori ki te wāhanga rangahau, ā, i whakamānutia te whakatairanga ki runga i te hōtaka o Hōmai Te Pakipaki i tērā wiki.

Hei tā NZTA, ko te ngako o te whakatairanga, he whakapoapoa mai i ngā taringa areare mai, kia kōrerotia whānuitia ai te kaupapa. 

Koia tēnei te tuatahi o ngā whakatairanga e whai wāhanga ai te Māori, engari arā tonu ētahi atu ka whai ake i te tauira nei.