Kaupapa: Entertainment

Kua hoki mai tētahi uri Māori hei kaihautū whakaari Māori ki te wā kāinga

Wepiha Te Kanawa

Tērā tētahi kaiwhakaari Māori e whakatangata whenua ana i tana mana ki te ao pouaka whakaata o Ahitereiria me Ingarangi, heoi ko te aroha a Cian White ki ngā whakaaro Māori take kua huri te ihu o tana waka ki te kāinga.

Hei tāna, "I te tīmatanga ka āhua āmaimai ahau i te wā ka kite ahau i taku kanohi i runga i te pouaka whakaata engari i ēnei rā pai noa, nā te mea koirā taku mahi."

I eke tēnei uri a Hinemoa ki ngā hōtaka nui o Ahitereiria, pēnei i a Underbelly, ā, inātata nei ko 800 Words.

Engari ko ngā whakaari Māori te tino hiringa ngākau mō White.

Hei tā White, "Ko 800 Words te hotaka matau o Ahitereiria i enei ra, noku te whiwhi te mahi ki te taha o nga toki i roto i te ao whakaari i Ahitereiria me Aotearoa anō hoki."

He tokomaha ngā kaiwhakaari rongonui o te motu ka whai wāhi ki te whakaari a White, arā a Ngā Puke.

Ka puta a Ngā Puke a te tekau o Hakihea ki te marea, me tana manako ka whakaawe i te hunga Māori kia whai i ngā mahi toi whakaari.