Kaupapa: ANZAC

Kei te puāwai mai te putiputi maumahara nunui rawa o te ao

No te Rāpare o tēra wiki hua ake ai te putiputi maumahara nui rawa atu o te Ao ki Pukekawa, i Tāmaki Paenga Hira.

Heoi i roto i ngā rā e whā kua kitea tōna nei puawaitanga, me te mea nei ka whakapono tonu te kaihautū o te kaupapa nei a Tony McNeight, ka tutuki, ka ea.

Na te kanohi rangatahi i whakarewa te kaupapa ki te motu, me te mea ano e kore ratou e noho kuare ki te hōhonutanga o te putiputi maumahara e kīa nei ko te poppy.

Hei tā Tony McNeight, “Ko te mea miharo rawa ki au, ko te tae mai o ngā whānau, ngā tamariki hoki, me a ratou panui aroha, kua whakatakotohia e rātou.”

Hei te otinga ko te rahi o te taonga nei he orite ki te papa whutupaoro, na reira ka ahatia a muri mai o te rā o Anzac?

Hei tā Tony McNeight, "Kei te rapu kainga tūturu i tēnei wā, ā e kōrero ana matou ki etahi tāngata kia tū motuhake ai tēnei taonga hei miharotanga mo te katoa."