I porotēhi ngā kaimahi a AFFCO i te piriti o Wairoa

Kī ana te piriti o Wairoa i ngā kaimahi patu mīti e rua rau neke atu, ki te porotēhi i ngā āhuatanga o tā rātou kirimana mahi ki AFFCO Talley. Ki te hiahia rātou ki te mahi tonu ki reira, me whakaae ki aua āhuatanga.

Engari, ko tā ngā kaimahi he āhuatanga mahi mā te ware, he mahi unu hoki i tō rātou mana.

Katoa o rātou he mema o te uniana kaipatu mīti o Aotearoa hēoi kua whakakorengia o rātou kirimana ā-rōpū e te kamupene AFFCO Talley's.

E ai ki ngā kaimahi, kua puta mai ngā whakatau a te kamupene, ā, ki te kore e pai ngā āhutanga o te kirimana takitahi hōu, kāore he raru ki a rātou.

Ki te whakaae ngā kaimahi ki taua kirimana, ka roa ake o rātou haora mahi engari ka heke iho tō rātou utu.

Ki te kore rātou katoa i whakaae, he kimi mahi ki tāone kē pea te mutunga iho mō rātou.

Ko tā ēnei kaimahi ka tū pakari tonu rātou ahakoa te maha o ngā rā, ngā wiki ngā marama rānei, kia matapaki tahi ai rātou ki a AFFCO Talley.

I timata tēnei tautohetohe i te tau rua mano tekau mā toru i te mutunga o te kirimana ā-rōpū, i taua wā kāre ngā matapakinga i tau.