Kaupapa: Health

He whakaahua e whānui ake ai ngā mōhiotanga ki ngā tikanga whakawhānau pēpē

He whakaahua whai māramatanga mō te āhua tika o te whakawhānau pēpi, koinei te whakaaro o Lisa Kelly, he kaiwhakawhānau pēpi nō roto o Ngāi Tai mō tētahi whakaahua kua whānui nei te horapa i ngā paekōrero ipurangi, he mea whakairi nā te kaiwhakaahua tonu, nā Emma Jean.  

Kua rere whānui i te ao tēnei whakaahua, ā, e ohorere ana te kaiwhakaahua a Emma Jean Nolan nānā tēnei whakaahua e whakanui ana i te tikanga whakawhānau tamariki.  

Mo Lisa Kelly kaiwhakawhānau pēpi ki Te Tai Rāwhiti e tautoko ana ia i te whakaahua, ā, kei te tangata anō te tikanga ki te whakaatu mai i tana tamaiti me tōna whenua.  

Ko Harper te pēpī tuawhā o Jolene Spies me tōna hoa tāne, kei Piripane rāua e noho ana, e whakanui ana te whakaahua i te tikanga o ngā mahi whakawhānau pēpī.  

E tautoko ana a Lisa Kelly i tēnei momo tikanga engari mo te nuinga o ngāi Māori he tino tapu te whenua.  

Mo te kaiwhakaahua a Emma Jean Nolan kei te hara mai ia ki Aotearoa mo tētahi kaupapa e pā ana ki te whakawhānau tamariki engari mo tēnei wā e whānui haere ake te hora o tana whakaahua ki te ipurangi.